A DROGA FORA ! (Illusioni-Mimoria Tramandata)

A DROGA FORA !!! DEALERS ATTENTI A VOI !!!

ILLUSIONI

Mughja, o mà, schiatta a to disgrazia
A càmara hè biota, ai persu un figliolu
Natu à l'alba di una vita pietosa
Si n'hè smaritu ùn lascendu cà dolu

Cù tutt'a nucenza di a so età
Un ghjornu ai scupartu una pòlvara à sunnià
Cù un pocu di soldi in celi sè cuddatu
Senza mai pinsà d'essa intrappulatu

R : Vìttima di l'omi chì tòmbani pà ghjucà
Cù pòlvara vinduta à a nostra ghjuventù
Nati di a scimesca di sta sucetà
Chì senza artifici è fumu, oghji ùn campa più

Ai toccu, o ziteddu, u fondu di a suffrenza
Dormi oramai senza àlcunu pinseru
Ci ai lacatu soli senza la to prasenza
Oghji à a cena ùn c'era chè addisperu


Senti, o mà, laca u to pientu
Teni a to forza pà salvà altri ghjenti
Cascati in sta tràppula nera è senza fondu
Femi a lotta insemi cù una feda putenti

Dumani à la prim'ora, partimi à fà vindetta
Contru à stu vilenu chì ùn hè ch'illusioni
Contru à 'ssa pulvaraccia viziosa è maladetta
Pisèmuci frateddi è svègliati nazioni
Contru à stu vilenu ch'ùn hè ch'illusioni
Svègliati nazioni, svègliati nazioni.



Paroddi : Antoni Vicinati, 1985.
Mùsica : Antoni Tramini 1985."

Vidéo précédente Retour Vidéo suivante

Créer un site gratuit avec e-monsite - Signaler un contenu illicite sur ce site